Nepal Telecom

कन्फेडेरेशन कप फुटबलः जर्मनी र चिली सेमिफाइनलमा

अबको भिडन्त जर्मनी–मेक्सिको, पोर्चुगल–चिली

रुस । जर्मनी र चिली रुसमा भइरहेको कन्फेडेरेशन कप फुटबलको सेमिफाइनलमा पुगेका छन् । समूहको अन्तिम खेलमा जर्मनीले क्यामरुनलाई ३–१ ले हरायो ।

जर्मनको जितमा टिमो वेर्नरको दुई तथा केरेम डिमिर्बेको एक गोल सामेल थियो । क्यामरुनका यर्नेष्ट माबुकाले ६४ औं मिनेटमा रातो कार्ड खाइ मैदान छाड्नु परेपछि दबाबमा रहेको क्यामरुनले त्यसपछि दुई गोल खाए पनि भिन्सेन्ट अबुकरले सान्त्वना गोल गरेका थिए ।

त्यस्तै चिलीले अष्ट्रेलियासंग १–१ को बराबरी खेल्यो । ४२ औं मिनेटमा अष्ट्रेलियाका जेम्स ट्रोइसीले गोल गर्दै अष्ट्रेलियालाई अग्रता दिलाए पनि ६८ औं मिनेटमा चिलीका मार्टिन रोड्रिग्वेजले बराबरी गोल गर्दै टोलीलाई सेमिफाइनलमा पुर्‍याए  ।

जर्मनी ७ अंकसहित समूह विजेता बन्दै तथा चिली ५ अंकसहित समूह उपविजेता बन्दै सेमिफाइनलमा पुगेको हो ।
सेमिफाइनलमा जर्मनीको भेट मेक्सिकोसंग तथा चिलीको भेट पोर्चुगलसंग हुनेछ । चिली र पोर्चुगलको खेल बुधबार तथा जर्मनी र मेक्सिकोको खेल बिहीबार राति ११ः४५ बजे हुनेछ ।

Be the first to comment

Leave a Reply

Your email address will not be published.


*